Бөлүмдөр
Бейшемби, 22-август
Нарын облусуКочкор району 24.01.2015 08:30

Кочкор РИИБдин «Камкордук» аталыштагы иш-чарасында түнкүсүн көчөдө жүргөн 58 өспүрүмгө түшүндүрүү иштери жүргүзүлдү

Turmush -  Нарын облустук ички иштер башкармалыгынын 2015-жылдын 16-январындагы №6-р көрсөтмөсүнүн негизинде Кочкор районунун аймагында 19-январь күнү «Камкордук» аталыштагы-профилактикалык алдын алуу иш-чарасы башталды.

Анын алкагында райондук мамлекеттик администрациясы жана райондук билим берүү бөлүмү, социалдык өнүгүү башкармалыгы менен биргелешкен атайын иш мерчеми кабыл алынган. Мындай маалыматты Кочкор РИИБ маалымдады, деп кабарлайт аймактык кабарчы. 

Бул иш мерчемдин алкагында райондун аймагында 2015-жылдын 19-январынан 23-январына чейин алдын алуу иштер жүргүзүлүп, жыйынтыгында мектептерде сабактан көп калган 23 окуучуга акт түзүлдү. Ошону менен бирге жаш өспүрүмдөрдү жумушка тарткан фактыларды аныктоо максатында райондо жайгашкан «Азем», «Визит», «Аурдин», «Алтын Булак» , «Ретро» тамактануу жайларында жана майда ашканалар менен мейманканалар текшерилип андай фактылар аныкталган жок.

    
Бөлүмгө түнкүсүн максатсыз көчөдө жүргөн 35 өспүрүм жана компьютердик клубдарда жүргөн 23 өспүрүм жеткирилди. Ата-энелеринин катышуусунда түшүндүрүү иштери жүргүзүлүп, ата энелерине көзөмөл жүргүзүү жагы эскертилди. Райондун аймагында жайгашкан 33 орто мектептин айланасындагы соода түйүндөр текшерилип, окуучуларга тамеки жана спирт ичимдиктерин сатпоо боюнча түшүндүрүү иштери жүргүзүлдү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×