Бөлүмдөр
Жекшемби, 25-август
Нарын облусуКочкор району 28.05.2015 10:37

Кочкордо «Логистикалык борбор Нарын облусунун экспорттук мүмкүнчүлүгүн жогорулатуунун куралы» аттуу эл аралык бизнес форум башталды

Turmush -  Кочкор районунда бүгүн, 28-майда «Логистикалык борбор Нарын облусунун экспорттук мүмкүнчүлүгүн жогорулатуунун куралы» аттуу эл аралык маанидеги бизнес-форум башталды, деп маалымдайт Turmush басылмасынын кабарчысы.

Иш-чарага бир катар эл аралык уюмдардын өкүлдөрү жана чет өлкөлөрдүн Кыргызстандагы Элчиликтеринен меймандар катышууда.

Өкмөттүн Нарын облусундагы өкүлү Аманбай Кайыпов куттуктоо сөзүн сүйлөп, катышуучуларга ийгилик каалады.

Иш-чаранын алкагында «Алыскы аймактардын экономикалык өнүгүүсү», «Агрардык сектордогу өндүрүштү көбөйтүү жана сатууну көбөйтүү», «Логистикалык кызмат көрсөтүү», «Кыргыз Ресбуликасынын экономикалык өнүгүүсүнүн басымдуу сектору» деген темаларда талкуулар башталат.

Форумда айтылгандай, Кочкор районундагы Көк-Жар айыл аймагында логистикалык борбор куруу үчүн 10 га жер каралып жатат, эгер ал ишке ашса Кыргызстан боюнча эң ири логистикалык борбор болуп калмакчы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×