Бөлүмдөр
Бейшемби, 22-август
Нарын облусуКочкор району 29.05.2015 11:01

Кочкор районунун Ак-Жар айылындагы мектептин окуучулары ноябрга чейин чатырларда жана үйлөрдө окуганга аргасыз болот, - А.Кайыпов

Turmush -  Учурда Нарын облусунун Кочкор районунун Ак-Жар айылындагы орто мектептин 403 окуучусу сабакты төрт чатырда жана бош үйлөрдө окуп жатышат. Алардын мындай абалдагы кырдаалын 28-май күнү облус жетекчиси Аманбай Кайыпов жеринде барып таанышты.

«Эми быйылкы окуу жай аяктап калды. Бирок чынын айтышым керек, силер 1-ноябрга чейин ушундай эле чатырларда жана үйлөрдө окуганга аргасыз болосуңар. Буюрса, 1-ноябрда эки кабаттуу жаңы мектеп бүтөт. Мамлекеттен 69 млн сом каралып чечилди. Азыркы тапта 10 млн сому берилди. Эмки жумадан баштап иш башталат», - деп кайрылды өкүл чатырдын ичинен окуучуларга жана айылдык тургундарга.

Аталган окуу жайдын директору Акыл Тургуналиева жыл башынан тарта 450 окуучу окуп келгендигин, мүмкүнчүлүгү бар ата-энелер балдарын башка жактарга алып кете баштап, учурда 403 окуучу калгандыгын, окуучулар 4 чатырда, 4 жеке менчик үйлөрдө жана айыл башчынын эски кеңсесинде окутулуп жаткандыктарын белгиледи.

«2006-жылдагы катуу жер титирөөдөн кийин мурунку мектеп жарабай калган. 2007-жылы декабрда жаңы 480 орундуу мектеп 47 млн сомго салынган. Бирок жыл өткөндөн кийин мектепте жаракалар кетип, айрым жерлери кулап, үстүлөрү түшүп, кандайдыр жыттар чыгып, акыры окуганга болбой калды», - деп айтты мектеп жетекчиси.

«Ошол Бакиев учурунда коррупция гүлдөгөн. Эми мамлекеттин 47 млн сому кайра ордуна тургузулушу керек. Себеби мурда мөөнөтү өтүп кетти делинип курулушту кургандарга эч чара көрүлгөн эмес. Өткөндө өкмөт башчысы Темир Аргембаевич бул ишти кайрадан териштирип чыгууга тапшырма берди. Биз да жөн койбойбуз. Аягына чейин чыгабыз», - деген жообун келтирди өкүл Аманбай Кайыпов.

Бул Ак-Жар орто мектебинин курулушун ошол учурда «Хан-Теңри» аталыштагы жоопкерчилиги чектелген коом кургандыгын, жетекчиси Адил Халилов аттуу адам болгондугун айыл өкмөт башчысы Садыбакас Увалиев билдирди.

 

акыркы жаңылыктар

10:56 Картошка сатуу кыйынчылыгынан айдоо аянттарыбызды 5 эсеге кыскарттык, - нарындык фермер
10:50 Фото - Кара-Көлдө Балдарды коргоо күнүнө карата «Атам, апам жана мен» аттуу үй-бүлөлүк кароо-сынак өткөрүлдү
10:49 Нарында логистикалык борбор куруунун алгачкы этабында 1,3 млн доллар зарыл болууда
10:41 Фото - Жаратылыш ресурстарын сарамжалдуу пайдалануу департаментинин аңчысы Ак-Талаадан карышкырды атып өлтүрүп, бөлтүрүгүн тирүүлөй кармады
10:38 Кара-Көл шаарында мүмкүнчүлүгү чектелген 149 жана 33 томолок жетим бала бар
10:37 Жыл башынан бери Жайыл районунда электр энергиянын коммерциялык жоготуулары катталууда
10:30 Жайыл районундагы үч интернатында Балдарды коргоо күнүнө карата кайрымдуулук акциясы өткөрүлдү (фото)
10:24 Ош ОИИБ акыркы коңгуроо кагылып жаткан ондогон мектептер жол жээгинде жайгашкандыктан, айдоочуларга ылдамдыкты белгиленген чектен ашырбоону экертет
10:17 Талас шаарында жаштар арасындагы көйгөйлөрдүчагылдырган «Кырдагы кыял» кино тасмасы тартууланды (фото)

бардыгы

Фото — Кочкор районунун Ак-Жар айылында мектеп окуучулары айылдагы бош үйлөрдө окууларын улантышты

Turmush -  Ак-Жар уй даяр окуучу (3)Нарын облусунун Кочкор районунун Ак-Жар айылындагы мектеп окуучулары жаңы окуу жылын айылдардагы бош үйлөрдөн башташты. Бул тууралуу маалыматты аталган орто мектептин мугалими Өмүркул Ноорузбаев билдирди деп кабарлады Turmushбасылмасынын аймактык кабарчысы.


Анын айтымында, мектеп мындан 7 жыл мурда салынган, бирок тилеке каршы жаңы курулган мектептин курулуш иши начар болгондуктан быйылкы жылы мектеп авариялык абалга келген.

«Жаңы окуу жылында балдарга айылдардагы бош үйлөр даярдалды, учурда 7 турак-жай, 1 айыл өкмөттүн имараты жана айылдык клубтун ичи даярдалып балдар окууларын башташты. Айылдардагы ээн турак-жайлардын аралыгы алыс болгондуктан бир-бирине каттап туруш өтө кыйын болууда. Мындай ыңгайсыздык келечек муундарга кандай тарбия берет билбейбиз. Бир жерде сабак берип экинчи жерге жетишиң кыйын болууда. Азыр күн жылуу күз мезгили, ал эми кышында кандай жагдай түзүлөт аны мезгил көрсөтөөр», - деди Ө.Ноорузбаев.

Ошондой эле кичине класстарга тамак берүү да оорчулукту туудуруп жатканын айткан мектептин ашпозчусу үмүт Усубалиева, бир жерден экинчи жерге жоо жалаңдап ташып келип балдарга ысык тамак берип жатканын айтты. 

Ал кошумчалагандай, кышкысын кандай болот билбейм. Азыр төрт жерге ташып барам ошону менен эле кеч кирип кетет. Ээн үй болгону менен анын жылуулугу, тазалыгы жана окуу талабына жооп бердүүлүгү кандай болот аны билбейм.


965c1e545615a38317a2ca8abdbe57e1

49cb29b1fd3b800d8aee20294213730e

811a95e11596677120c6fa96a89ef89f

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×