Бөлүмдөр
Жекшемби, 25-август
Нарын облусуКочкор району 29.05.2015 11:08

Нарында бир орто мектептин окуучуларынын 83%ы оорукчан деп табылды

Turmush -  Мындай маалыматты Кочкор районунун Ак-Жар айылынын тургуну, айылдык кеңештин депутаты болом деген Канат Турумов 28-май күнү аталган айылга барган өкүл Аманбай Кайыповго билдирди.

«Эльвира Сариева вице-премьер кезинде, ал учурдагы саламаттыкты сактоо министри Динара Сагымбаева менен келип, биздин сурообуз менен 7 доктурду жиберген. Себеби балдарыбыз тери жана аллергиялык оорулар менен ооруй баштаган. Жыйынтыгында балдарыбыздын 83%ынын ооругандыктары белгилүү болгон. Себеби мектептеги абалдан, көгүчкөндөрдүн кыгынан келип чыккан экен. Бул боюнча бизде документтер да бар. Ошондуктан балдарды дарылатууга жана лагерлерге жиберүүгө жардам берсеңиз», - деди жергиликтүү эл өкүлү.

«Биринчи, маалыматты так айткыла. Тиешелүү документтерин тез арада мага бергиле. Эгер айтканыңар чын болсо, анда курулушчуларга карата иш козголушу керек. Экинчиден биздин облуста «Ден соолук» кербени иштеп жатат. Алар Ат-Башы районунун элин текшерип чыккандан кийин силердин балдарды, жалпы эле элди да бир сыйра карап чыгышына мен аракет кылам», - деп жооп кылды А.Кайыпов.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×