Бөлүмдөр
Жекшемби, 25-август
Нарын облусуКочкор району 25.06.2015 14:32

Кочкор районунда авариялык абалдагы Ак-Жар орто мектебинин жаңы имаратынын курулушу башталды

Turmush -  Кочкор районунун Ак-Жар айылында 24-июнь күнү жаңы орто мектептин курулушунун расмий башталышынын жөрөлгөсү болгон атайын кутуча салуу жана бетон-цемент аралашманы таштоо жараяны болуп өттү, деп билдирет аймкактык кабарчы.

Аземге өкүл Аманбай Кайыпов, жергиликтүү бийликтегилер, курулушчулар, айыл тургундары катышышкандыгын өкүлдүн маалымат катчысы Айнура Дүйшөк кызы билдирди.

«Курулушту «Имарат-Строй» жана «Юнипрогресс» деген эки жоопкерчилиги чектелген коом (ЖЧК) ишке ашырганга укук алышкан. 275 орундуу мектептин жалпы наркы 69 млн сомго курулмакчы. Жакында алгачкы транш катары 10 млн сом бөлүнөөрү айтылды.

Бирок «Имарат-Строй» ЖЧКнын башкы директору Бейшенбек Иманалиев өз каражаттарынан жумушту баштап жаткандыктарын айтты. Эгерде жогорудагы каражат толук берилсе, 30-октябрга карата мектепти пайдаланууга беришерин билдиришти, дейт А.Дүйшөк кызы.

Бул айылдагы мурдакы мектеп 2006-жылдагы катуу жер титирөөдөн кийин окууга жараксыз деп табылган. Натыйжада 2007-жылы 47 млн сомго «Хан-Теңри» ЖЧКсы (жетекчиси Адыл Халилов) тарабынан жаңы бир кабатуу мектеп салынып бүткөрүлгөн. Бирок эки жылдан кийин жаңы мектептин айрым дубалдары кулай баштап, соңку жылдары таптакыр жараксыз абалга келген. Жыйынтыгында айылдагы төрт жүздөн ашуун окуучу төрт чатырларда жана айылдагы төрт бош үйлөрдө, айыл башчысынын кеңсесинде окуп калышкан.

Тема боюнча: Кочкор районунун Кум-Дөбө айыл аймагындагы 2007-жылы салынып, көгүчкөндөрдүн мекенине айланган Ак-Жар орто мектебинен фоторепортаж

Фото — Кочкор районунун Ак-Жар айылында мектеп окуучулары айылдагы бош үйлөрдө окууларын улантышты

Кочкордогу Ак-Жар орто мектебин курган «Хан-Тенгри» ЖЧКнын жетекчиси А.Халилов бир дагы соттук отурумга келбей жатат, - айылдык кеңештин депутаты (фото)

Биз мындан кийин ар бир курулуш иштерин кылдаттык менен карап, өткөрүп алабыз, - А.Кайыпов

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×