Бөлүмдөр
Бейшемби, 22-август
Нарын облусуКочкор району 31.10.2015 12:20

Кочкордогу окуучулар 6 мамлекеттин маданиятын көрсөтүп, алардын тамак-аштарын даярдаган «Достук» фестивалынан фоторепортаж

Turmush -  Кочкор районундагы Н.Жүндүбаева атындагы мектеп-гимназиясында «Достук» фестивалы болуп өттү, деп билдирди аймактык кабарчы.

Фестиваль аталган мектеп-гимназиянын 10-11-класстарынын окуучуларынын арасында өтүп, алар 6 мамлекеттин маданиятын көрсөтүп, өздөрү даярдаган тамак-аштарды тартуулашты. Ошондой эле окуучулар калыстардын Индия, Россия, Америка, Сауд Аравиясы, Казакстан жана Өзбекстан мамлекеттеринин тарыхы тууралуу да тапшырмаларын аткарды.

Фестивалдын негизги максаты — бир катар улуттардын арасындагы ынтымакты чыңдоо жана ар бир элдин каада-салтын, маданиятын чагылдырып, аларды окуучуларга өздөрүнүн көз карашы менен жеткирүү.

«Жаман улут болбойт, жаман адам болот деген сыңары ар бир элдин өз баалуулугу жана өз элине тиешелүү маданияты бар. Биз аларды билүү менен алар менен ынтымакта жана достукта жашашыбыз керек», - деди мектеп директорунун тарбия иштери боюнча орун басары Айнура Айталиева.

Уюштуруучулар «Достук» фестивалын кийинки жылдын жаз айында улантууну пландоодо.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×