Бөлүмдөр
Бейшемби, 22-август
Нарын облусуКочкор району 05.07.2016 12:16

Кочкор өрөөнүндөгү археологиялык казуулар боюнча илимий талкуу өтөт

Turmush -  Кочкор өрөөнүндөгү археологиялык казуулар жөнүндө илимий талкуу өткөрүлөт. Бул тууралуу Тарых жана маданият жылын өткөрүү боюнча мамлекеттик дирекция маалымдады.

Маалыматка караганда, ойчул Махмуд Кашгаринин аалам картасында катталган Кочнар-Башы шаарчасы Нарын облусунун Кочкор өрөөнүндө жайгашкан деген божолмолдор бар. 2-6 метр тереңдиктеги археологиялык казуулар толук изилдене элек.

Кочкор районунун Кум-Дөбө айылынын тургуну, «Ыйык Мурас» ассоциациясынын президенти Кайырбек Коңурбаев фермердик чарбасына тийиштүү жерлерине айдоо иштерин жүргүзүү учурунда археологиялык табылгаларды тапкан. Кайырбек Коңурбаев Кум-Дөбө аймагынан табылган археологиялык калдыктарды топтогон чакан музей да уюштурган.

«Археологиялык изилдөөлөрдү тездетип активдештирсек, бизде өзүбүздүн Помпейибиз же Троябыз ачылмак», - деди ал.

«Чындыгында аймакта археологиялык изилдөөлөр жүргүзүлсө биздин заманга чейинки 840-940-жылдарга тиешелүү Кыргыз каганатынын борбору тууралуу маалыматтар ачыкка чыкмак. Ошон үчүн тарыхчы, илимпоздордун катышуусунда талкуу уюштуруп Тарых жана маданият жылында тарыхка ачылыш жасоо парзыбыз», - деди тарыхчы, Мамлекеттик дирекциянын эксперти Асанбек Токтогулов.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×