Бөлүмдөр
Дүйшөмбү, 25-сентябрь
68.46    82.09    1.19    KZT 0.2
акыркы жаңылыктар

бардыгы

Нарын

Кочкордо рун жазуулары изилденип жатат (фото)

Turmush -  Нарын облусунун Кочкор районунун тургуну Кабылбек Жумабаев таш бетиндеги рун жазууларын өз алдынча изилдеп жатат. Бул тууралуу Turmush басылмасынын аймактык кабарчысы маалымдады.

Белгилүү болгондой, Кочкордун Кара-Суу кыштагынын түштүк тарабындагы Көк-Сай тоосунун этегинен рун жазуулары табылган. Анын көчүрмөсүн Санкт-Петербург шаарындагы рун жазуусун изилдөөчү С.Кляшторный «Эр адым-Адыг, он ок, йер Йарышмыз» деп окуган. Бирок, Кабылбек Жумабаев болжол менен 8-9-кылымдарга таандык бул жазууну түп нускадан «Эки ок абы. Эр атым - Асуг унак (же Сагунак), йер йарышмаз» деп окуп, аны «Эки тайпанын аң уулоочу жайы. Эр жеткендеги атым - пайдалуу ( Олжо?) Ынак, жер бөлүшпөс» деген мааниде чечмелеген.

Кабылбек Жумабаев 2006-жылы Орхон суусунун боюндагы таш бетинде жазылган эстеликтеги жазууну ыр түрүнө иштеп, «Күлтегин, Тунукөк» китебин жазган. Ал Билим берүү жана илим министрлигин буйругу менен Талас, Ысык-Көл облустарынын мектептеринде кошумча окуу куралы катары киргизилген. Ошол эле, Орхон суусунун боюндагы Күлтегин, Билге каган, Тон-Йокук, Эртериш каган, Моюнчоро, Күлчоро таш жазма эстеликтердеги руникалык жазууларды түркчө түп нускадагы ариптен окуп, «Бичик», «Билге каган», «Тон-Йокук» китептерин жазып, басмадан чыгарган.

Жусуп Баласагындын «Кутагду билик» чыгармасын да кыргыз тилине котормолоп чыккан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 923
Комментарии
Обсуждения закрыты
Көп окулду
×
Урматтуу окурман, мекенибиздин аймактагы «турмушунан» кабар алганыңыз үчүн ыраазычылык билдиребиз.
Куш кабарыбыз маалыматтык чаңкооңузду канааттандырса «Нравится» эн белгисин басуу менен сиз үчүн кылган ишибизге дем бериңиз!
Жабуу