Бөлүмдөр
Жекшемби, 25-август
Нарын облусуКочкор району 19.07.2018 13:21 На русском

Бакыт Бейшенбеков «Кочкор жаштар кеңеши» коомдук бирикмесинин төрагасы болду (сүрөт)

Turmush -  Кочкорлук жигит Бакыт Бейшенбеков «Кочкор жаштар кеңеши» коомдук бирикмесинин төрагасы болду. Бул тууралуу Turmush басылмасынын аймактык кабарчысы маалымдады.

Белгилүү болгондой, Кочкор райондук мамлекеттик администрациясынын жыйындар залында «Кочкор жаштар кеңеши» коомдук бирикмесинин 2014-2018-жылдар аралыгында аткарган иштери боюнча отчету угулду. Уюмдун мурунку төрагасы Мирбек Асанбай уулу: «Коомдук бирикме 2014-жылы 14-июнда жаштарга билим берүү, айылды өнүктүрүүгө көмөктөшүү, жаштардын укуктарын коргоо, коомдун көйгөй жараткан маселелерин бирдиктүү чечүү максатында уюшулган.

2014-жылдан бери Кочкор району боюнча жүздөн ашык иш-чараны өткөрүүгө жетишти. Уюм катары район ичинде 17 долбоорду ишке ашырды», - деди. Ошону менен бирге 4 жылдан бери жетектеп келген «Кочкор жаштар кенеши» коомдук бирикмесинин төрагалыгын уюмдун мүчөсү Бакыт Бейшенбековго тапшырды.

Бакыт Бейшенбеков буга чейин «Кочкор жаштар кенеши» коомдук бирикмесинин төрагасынын орун басары, интеллектуалдык өнүктүрүү борборунун директору болуп иштеп келген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×