Бөлүмдөр
Бейшемби, 27-июнь
Нарын облусуКочкор району 07.01.2019 15:27 На русском

3 адам каза болуп, 19 торпок өлдү. Автокырсык болгон жерден тартылган сүрөттөр

Turmush -  Бишкек—Нарын—Торугарт унаа жолунун Долон ашуусунда «МАН» үлгүсүндөгү унаа мал жүктөп бара жаткан учурда кырсыкка учурап, ак-талаалык 3 тургун каза болгондугу кабарлан эле. Аймактык кабарчы кырсык болгон жерден тартылган сүрөттөрдү топтоду.

Маалым болгондой, 2019-жылдын 4-январь күнү саат 20:30 чамасында Ат-Башы районунун тургуну Кочкор РИИБдин нөөмөт бөлүмүнө Бишкек—Нарын—Торугарт автожолунда мал жүктөгөн «МАН» үлгүсүндөгү унаа жолдон чыгып, кырсыкка учурап, ичиндеги адамдардан жаракат алгандар бар экендигин билдирген.

Аталган билдирүү боюнча ыкчам-тергөө тобу окуя болгон жерге барган учурда төмөндөгүлөр аныкталган. 4-январь күнү саат 20:20 чамасында Ак-Талаа районунун Жаңы-Талап айылынын 1996-жылы туулган тургуну Н.у.Н. «МАН» үлгүсүндөгү унаасына 21 баш торпок жүктөп алып, Ак-Талаа районунан Токмокко кетип бара жатып, Бишкек— Нарын— Торугарт автожолунун 283-чакырымына жеткенде унааны башкара албай калган. Анын кесепетинен жолдун карама-каршы тарабына чыгып, жол жээгиндеги парапетти сүзүп өтүп, унаа түндүктү карап капталынан жыгылып калган. Анын кесепетинен жүргүнчү катары бара жаткан Ак-Талаа районунун Жаңы-Талап айылынын тургундары – 1969-жылы туулган Б.М., 1989-жылы туулган А.Т. жана 1991-жылы туулган А.у.Н. денелеринен ар кандай жаракат алышып, Кочкор районунун аймактык ооруканасынын хирургия бөлүмүнө жаткырылган. Ошол эле Жаңы-Талап айылынын тургундары – 1996-жылы туулган Н.у.Н., 1971-жылы туулган Н.Р. жана 1989-жылы туулган Ш.У. алган жаракаттарынан улам окуя болгон жерден каза болгон.

Аталган факт Кочкор РИИБге катталып, окуя болгон жерге кароо жүргүзүлгөн учурда «МАН» унаасында жүктөлүп келе жаткан 21 баш торпоктун ичинен 19 торпок өлгөнү аныкталган. Бүгүнкү күндө аталган факт боюнча соттук-медициналык экспертиза дайындалган.

Жаңы-Талап айыл өкмөт башчысы Кенжебай Бейшенкуловдон алынган маалыматтар боюнча, каза болгондордун бири, унаанын айдоочусу Н.у.Н. үй-бүлөлүү, 1 баланын атасы болгон. Экинчиси Р.Н. үй-бүлөлүү, 6 баланын атасы болсо, үчүнчүсү Ш. У. үй-бүлөлүү, 2 баланын атасы болгон.

Автокырсыктан каза болгон бул адамдар 2-3 жылдан бери Ак-Талаа жергесинен мал сатып алып, аларды кайра Токмоктогу мал базарга сатып, соода менен алектенип келишкен. Унаанын үстүндөгү малдар 5 адамга таандык болгон.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×