Бөлүмдөр
Жекшемби, 25-август
Нарын облусуКочкор району 28.03.2019 11:33 На русском

Кочкордо «Фольксваген Венто» менен дайынсыз болгон тургундун жансыз денеси табылды

Turmush -  Кочкор районунун Жаңы-Жол айылынын дайынсыз жоголуп жаткан 61 жаштагы тургунунун жансыз денеси табылды. Бул тууралуу Нарын ОИИБдин маалымат катчысы Кундуз Эсенгулова аймактык кабарчыга билдирди.

Маалым болгондой, кечээ, 27-мартта саат 18:20 чамасында «102» кызматы аркылуу милиция кызматкерлерине Кочкор районунун Семиз-Бел айылынын 1978-жылы туулган тургуну Бакыт Кадырбаев байланышкан. Ал Ак-Жар айылынын Көк-Жар участкасында жайгашкан коктунун ичинде токтоп турган «Фольксваген Венто» үлгүсүндөгү автоунаада белгисиз адамдын жансыз денеси жатат деп билдирген.

Окуя болгон жерге тергөө тобу барган учурда Кочкор районунун Ак-Жар айылына караштуу Көк-Талаа участкасында коктунун ичиндеги тоонун түбүндө «Фольксваген Венто» үлгүсүндөгү автоунаасы түндүк тарапты карап токтоп турган. Автоунаанын ичинен азиат түспөлүндөгү адамдын жансыз денеси табылган. Анын өздүгү такталып, маркум Кочкор районунун Жаңы-Жол айылынын 61 жаштагы тургуну У.С. экендиги аныкталды.

Жансыз дененин сыртынан кароо жүргүзгөн учурда күч колдонулган белгилер аныкталган эмес. Бул факт боюнча сотко чейинки өндүрүш иштери башталды.


Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×