Бөлүмдөр
Ишемби, 24-август
Нарын облусуКочкор району 08.07.2019 09:18 На русском

Кочкордо жер алдындагы шаардан тыйындар табылды. Сүрөт

Turmush -  Кочкор районунун Кум-Дөбө айылындагы жер алдында калган шаардан тыйындар табылды. Бул тууралуу жергиликтүү тарыхчы Кайырбек Коңурбаев билдирди.

Анын айтымында, аталган тыйындар кумаранын ичинен табылган.

«Жалпы 72 тыйын табылды. Бирок кумара талкаланып, жараксыз абалда экен. Аны менен катар жез, коло буюмдар, кыргыздын миң жыл мурунку буюмдары табылды. Жер алдынан табылган буюмдар тазаланып, музейге коюлду», - деди ал.

Тарыхчы кошумчалагандай, 2012-жылдан тартып жер алдында калган Кочкор-Башы шаарынын калдыктары табылып баштаган. 2015-жылга чейин изилдөө иштери жүрүп, 2016-2017-жылдары казуу иштери башталган.

«Бышкан кыштан салынган 2 шаардын калдыктары дал ушул Кум-Дөбөнүн аймагында табылып, бири толук казылган. Бирок кайра көмгөнбүз. Айланасы курчалып, кайтарууга алынган. Эми экинчи шаарды казууга каржы издеп жатам. Бул шаарлар орто кылымга таандык», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×