Бөлүмдөр
Ишемби, 24-август
Нарын облусуКочкор району 02.08.2019 16:57 На русском

Кочкордо түндө 19 жаштагы кызды баса калган кишини Аселдин апасы эшикке сүйрөп чыккан

Иллюстрациялык сүрөт
Иллюстрациялык сүрөт

Turmush -  Нарын облусунун Кочкор районунда 19 жаштагы кызды зордуктоого аракет кылган шектүү боюнча териштирүү иштери жүрүүдө. Бул тууралуу аймактык кабарчыга Нарын ОИИБдин басма сөз кызматы билдирди.

Маалым болгондой, Кочкор районунун тургуну милиция кызматкерлерине кайрылып, кызын зордуктоого аракет кылган кишиге чара көрүүнү өтүнгөн. Анын айтымында, 1-августта түнкү саат 01:23 чамасында үйүнө келген Кочкор районунун Семиз-Бел айылынын 1979-жылы туулган тургуну 2000-жылы туулган кызы Аселдин (аты өзгөртүлдү) үстүнө чыгып, зордуктоого аракет кылып жаткан учурда аталган аял бөлмөгө кирип барган. Ошол замат эркек кишини сыртка сүйрөп чыгып, аны менен кармашкан. Бирок аталган тургун качып кеткен. Эркек кишинин кармашкан учурда сары түстөгү футболкасы айрылып, ал аялдын колунда калган.

Учурда бул окуя боюнча тийиштүү экспертизалар дайындалып, териштирүү иштери жүрүүдө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×