Бөлүмдөр
Жекшемби, 25-август
Нарын облусуКочкор району 26.02.2014 13:30

Кочкор районуна 31 дарыгер жетишпейт, дарыгерлердин 60%ы пенсия курактагылар

Turmush -  Нарын облусунун Кочкор райондук үй-бүлөлүк медицина борборунда учурда 31 дарыгер жетишпейт, алардын 60%ы пенсия курактагылар жана пенсияга чыга тургандар жана район калкын тейлөөдө тез жардам унаасы жетишпейт. Бул тууралуу аталган оорукананын директору Медет Жумаев билдирди, деп кабарлаls аймактык кабарчы.

Медет Жумаевдин айтымына карасак, учурда 60-жылдардагы филер аппараты бар, ал совет учурунда өндүрүштөн чыккан. «Биз азыркыга чейин колдонуп келе жатабыз. Кыргызстан боюнча эң эски жабдык бизде турат. Бизде ушул аппарат улам бузулуп жатат, учурда бул аппараттын тетиктери жетишпей тургандыктан, филер аппараты эң көйгөйлүү болуп турат» , - дейт директор.
Ошондой эле, Кочкор районунда транспорттук каттамдар да көп, анткени облуска келе турган бардык транспорттор алар аркылуу өтөт. «Кара-Кечеден көмүр тарткан унаалар дагы ушул жол аркылуу катташса, Кытайга барчулар дагы биз аркылуу соодасын жүргүзүшөт. Бизде бир гана тез жардам унаасы болуп атат, канча жылдардан бери ушул маселени көтөрүп келе жатабыз, бирок быйыл жакында Саламаттыкты сактоо министрлиги тарабынан жаңы унаа беребиз деп убада кылышууда», - деп кошумчалады ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×