Бөлүмдөр
Ишемби, 24-август
Нарын облусуКочкор району 03.07.2014 09:33

Кочкор району боюнча жазгы айдап себүү иштери 100%га аткарылды

Turmush -  Нарын облусунун Кочкор району боюнча жазгы айдап себүү иштери толук - 100% аткарылды, учурда сугат суу жагдайлары жөнгө салынууда, деп билдирди Кочкор райондук мамлекеттик администрациясынын башчысы-акимдин биринчи орун басары Алымбек Мамырбаев аймактык кабарчыга.

Анын маалыматына карасак, учурда Кочкор району боюнча жалпы 15 миң 815 га жер айдалып бүткөн, анын ичинен 5 миң 482 га жерге буудай, 4 миң 869 га жерге арпа, 2 миң 69 га жерге картошка, 65 га жерге жашылча-жемиштер, 976 га жерге бир жылдык чөптөр айдалган болсо, 10 миң 460 га жерге көп жылдык чөптөр айдалды.

«Учурда айдалган жерлердин бардыгына сугат суулар убагы менен берилип бүттү. Кочкор району боюнча 184 жерде суунун кулагы бар. Район боюнча Суу пайдалануучулар ассоциациялары иштебей жаткандыктан, кээ бир айылдарда суу маселелери орун алууда», - деди А.Мамырбаев.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×