Бөлүмдөр
Ишемби, 24-август
Нарын облусуКочкор району 10.10.2014 18:22

Жогорку соттун чечими турса да Кочкордун Кара-Суу айылынын эли бала бакча имаратын жеке ишкерден ала албай жатышат

Turmush -  Нарын облусунун Кочкор районунун Кара-Суу айылындагы бала бакчаны айылдын менчигине өткөрүү тууралуу Жогорку соттун чыгарган чечими боюнча Кочкор райондук сотунун чара көрбөй жатканы өкүндүрөт, деп билдирди айыл өкмөттүн депуттарынын төрайымы Токтобүбү Абдырахманова. Бул тууралуу аймктык кабарчы билдирди.

Төрайымдын айтымындап, бала бакча 1978-жылы эле Совет бийлигинин учурунда уюштурулуп, убагында 100 баланы тарбиялап келген. 1996-жылы дыйкан чарбага таркаганда бала бакча каралбай калган. Ошол учурдагы айылөкмөт башчысы Калчаев Талант кароолчу кылып Исраилов Зарылбекти бала бакчанын бир жак бетине жайгаштырган. Көп убакыт өтпөй Исраилов Зарылбек бала бакчанын бир жак бетине тигүүчү цех ачам деп ижарага алган. Ошону менен Талант Калчаев Зарылбек Исраиловго менчикке чыгарып берип койгон. Кайрадан жергиликтүү тургундар жамаат болуп түзүлүп, 25 орундуу бала бакча кылып бир жак бетин ачышат.

Андан кийинки келген айыл өкмөт башчысы Адыл Салбаров да менчикке чыксын, деп бала бакчанын бир жак тарабын кайра эле З.Исраиловдун пайдасына чечим чыгарып берип койгондон кийин жергиликтүү тургундар депутаттарга кайрылып, райондук, район аралык сотторго чейин барып, акыры 2014-жылдын 1-апрелинде Жогорку сот бала бакчаны толук айыл өкмөттүн балансына өткөрүлүп берилсин деген токтом чыгарат.

«Андан бери жарым жыл өтсө да Кочкор райондук соту эч кандай чара көрбөй келүүдө»,- дейт аталган айыл өкмөттүн депуттарынын төрагасы Абдырахманова Токтобүбү.

Эч бир аткаруучу келип Жогорку соттун чечимин аткарган жок.

Жогорку соттун токтому 2014-жылдын 1-апрелинде чыккандан бери Кочкор райондук соту эч бир чара көрбөй жатат, бул бийликтин алсыз экендигинен кабар берет», - деди ал.

«Балдрады сүйүнтүп, 1-сентябрда ачылыш жасайлы дедик эле, мына эми минтип 100дөгөн балдарды бала бакчага киргизе албай жергиликтүү тургундар убара болушууда», - дейт Т.Абдырахманова.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×