Бөлүмдөр
Жекшемби, 25-август
Нарын облусуКочкор району 02.12.2014 14:30

А.Кайыпов Кочкордун Теңдик айылындагы «Темир-Тоо» эт комбинатын польшалык долбоорго сунуштады (фото)

Turmush -  
Нарын облусунун Кочкор районуна караштуу Теңдик айылында жайгашкан «Темир-Тоо» эт комбинатынын учурдагы абалы менен өкмөттүн Нарындагы өкүлү Аманбай Кайыпов жеринде таанышты. Бул тууралуу аймактык кабарчы маалымдады.
Анда маалымдалгандай, азыркы учурда аталган эт комбинаты мал союулуучу тармагы менен гана иштеп, эттерди сыртка аз гана санда чыгарып келет. Келечекте бул комбинат Польша өлкөсү менен бирдикте долбоор иштеп, учурда эт комбинаты катары ишке толук берилиши үчүн сүйлөшүүлөр болуп жатканы айтылды. Ошондой эле, эт комбинаты ар кыл багытта колдонула тургандай иш алып бара турган дарамети чоң экени жана мүмкүнчүлүктөрү кенен экени белгиленди.
Өз сөзүндө Аманбай Кайыпов бул комбинатты жандандырып иштетүүгө өкүлчүлүк тарабынан жардам болоорун айтты. Ошол эле учурда комбинаттан даярдалып чыккан эттерди коңшу Казакстан республикасына экспорттоого да көмөктөшөөрүн баса белгилеп, ал үчүн эң биринчиден комбинатты иштетүүдө шарттарды түзүү керектигин сунуштады жана Польша мамлекети тарабынан келе турган долбоорду пайдалуу пайдаланып алуу керек экендигин айтып өттү.

кочкор эт комбинат (1)кочкор эт комбинат (2)кочкор эт комбинат (2)кочкор эт комбинат (3)кочкор эт комбинат (4) кочкор эт комбинат (5)кочкор эт комбинат (6)кочкор эт комбинат (7)кочкор эт комбинат (8)кочкор эт комбинат (9)кочкор эт комбинат (10)
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×