Бөлүмдөр
Бейшемби, 22-август
Нарын облусуКочкор району 08.12.2014 10:25

Кочкор районунун Көк-Жар айылындагы маданият үйү 1,8 млн сомго оңдоодон өткөнүнө карабай кайрадан жараксыз абалда (фото)

Turmush -  Нарын облусунун Кочкор районунун Көк-Жар айыл аймагындагы айылдык маданият үйү өткөн жылы оңдоп түзөөдөн өткөнүнө карабай кайрадан жараксыз абалга келип отурат. Мындай маалыматты жергиликтүү активистер маалымдашты, деп кабарлайт аймактык кабарчы.

Маалыматка карасак, өткөн жылы түрткү берүүчү грант аркылуу Көк-Жар айыл аймагындагы маданият үйү 2013-жылдын декабрь айында чатыры жана эшиктери оңдоодон өткөн. Арадан бир жыл өтпөй үстүндө урулган тактайчалары түшө баштап чатырынан суу агып башаган. Ошол учурда эшиктери да суу бойдон салып койгон соң азыр эшиктеринин аралыгы ажырап ачылып калган. Бул оңдоого кеткен жалпы 1,8 млн сом алып оңдоо иштерин жүргүзгөн «Бекнур» ЖЧК курулуш фирмасы спатсыз курулуш жүргүзгөндүгүн өз жоопкерчилигине алган эмес.

«Бекнур» ЖЧКнын үстүнөн учурда Нарын ОИИБси тарабынан тергөө иштери жүргүзүлүп келгенине карабай жыйынтык жок.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×