Turmush — Кочкор районунун Кара-Күнгөй айылынын тургуну Замир Алдаяров түрк тектүү мамлекеттердин «Кыш чакырыгы» аттуу эл аралык онлайн кароо-сынагында көркөм окуу номинациясы боюнча 3-орунга ээ болду.
Сынак 2023-жылдын 5-январынан 7-январга чейин өткөн. Сыйлык тапшыруу аземи жакында Кочкор райондук маданият үйүндө өтүп, эл аралык сынактын Орто Азия боюнча координатору Дилара Мырзакматова тапшырды.
«3 мүнөттүк көркөм окууга бир нече күн дыкаттык менен даярданып, видеотасманы кароо-сынактын уюштуруучуларынын белгилеген графигинен кечиктирбей, убагында жиберүүгө үлгүрдүм. Натыйжада көркөм окуу номинациясы боюнча 3-орунга ээ болдум. Мен Сүйүнбай Эралиевдин "Жоголгон жана табылган дүйнө" аттуу глобалдык экология боюнча таасирдүү ырын көркөм окудум.
Калыстар бир нече мамлекеттин өкүлдөрүнөн экен. Мени менен ат салышкандардын ичинде 30 жаштан жогорку категориясында Казакстандан көптөгөн катышуучулар бар болчу. Алар байгелүү орундарга жетпегендиктен кароо-сынактын катышуучусу деген сертификаттарга ээ болушту», - деди ал.
Замир Алдаяров 2021-жылы Түркия мамлекетинин Анкара маданий клубу уюштурган «Күз жаңырыгы» аттуу эл аралык онлайн сынагында кол өнөрчүлүк боюнча катышып, 2-орунга ээ болгон.
Макаланын уландысын жана башка бардык маалыматтарды окуу үчүн АКИpress'ке катталыңыз...
